د افغانستان د ملي شورا د اداري پلاوي د ټاکلو لپاره انتخابات ترسره شول
03.12.1388
د افغانستان په ملي شورا كې نن د نصاب په پوره كېدو سره د دواړه جرګه ګيو د اداري هيت د ټاكلو لپاره انتخابات ترسره شول.
له مشرانو جرګې څخه د ازادۍ راډيو خبريال خبر راكوي، چې په ننيو انتخاباتو كې فضل هادي مسلم يار د كوم سيال پرته د لومړي مرستيال په توګه او ميرمن نجيبه حسيني هم د كومې سيالۍ پرته د لومړي منشي څوكيو باندې وټاكل شول.
دغه راز محمد علم ايزديار د دوهم مرستيال او سيد عزيزالله الفتي د دوهم منشي په توګه وټاكل شول.
همدارنګه په ولسي جرګه كې دواړه پخواني مرستيالان او دواړه پخواني منشيان د ازادو او علني رايو په نتيجه كې په خپلو ځايونو باندې پاتې شول.