نن کابل کې څوارلسو تنو وزیرانو لوړه وکړه
28.10.1388
د ۱۴ وزارتونو له لپاره د وزيرانو د لوړې مراسم نن د افغان ولسمشر حامد كرزي له خوا تر سره شول .
د افغانستان د وزيرانو شورا د دارلانشا وياند فيضي ځدران ازادي راډيو ته وويل، چې دغه مراسم نن له غرمې مخكې د جمهوري رياست د ارګ په ماڼۍ كې تر سره شول.
د نوموړي په وينا په كابل كې ننيو امنيتي پېښو د۱۴ وزيرانو د لوړې د مراسمو په تر سره كولو كې هېڅ ډول ځنډ او خنډ نه دى راوستى او مراسم د معمول په شان په سمه توګه او په خپل وخت سره تر سره شول.