پنجشنبه 07 اسد 1389
په افغانستان كې د اروپايي ټولنې د پوليسو ماموريت يا اى، يو، پول وايي چې د پوليسو او د څارنوالۍ ترمنځ د لاهمغږې لپاره يي د دغو دواړو ادارو څخه څه باندې شلو كسانو ته په كابل او د فنلنډ په هېواد كې ځانګړې روزنه وركړې چې د پنجشنبې په ورځ په كابل كې ورته بري ليكونه هم وركړل شول.
د افغانستان د انتخاباتو خپلواك كميسيون وايي، چې د ولسي جرګې انتخاباتو ته پوره تيارى لري او دغه انتخابات به پرته له كوم خنډ څخه په شفاف ډول ترسره شي.
د افغانستان د انتخاباتو كميسيون دغه شان د افغان دولت له وسلوالو مخالفينو وغوښتل چې د دغې ملي بهير له ګډوډولو څخه لاس واخلي.
په ننګرهار او لغمان ولايتونو کې د تېزو ورښتونو له امله راوتلو سېلابونو ١٨ تنه وژلي، سلګونه کورونه يې ويجاړ کړي او زرګونه جريبه ځمکه يې له منځه وړي.سېلابونه د هغه سخت باران له امله راووتل، چې د چهارشنبې له نيمې شپې راهيسې پيل شوي او تر اوسه دوام لري.
د لغمان والي محمد اقبال عزيزي په ټېليفون ازادۍ راډيو ته وويل، د سېلاب ځپلو مرسته روانه ده:
د افغانستان ولسمشر يو ځل بيا تكراركړه، چې د تروريزم ځالې په افغانستان كې نه بلكې د هېواد له پولو بهر دي او بايد هلته ولټول شي او له منځه ولاړې شي.
ولسمشر دا هم وويل، چې كوم اسناد چې د افغانستان په وړاندې يو لړحقايق ښكاره او د افغانستان له مخالفينو سره د ګاونډېو هېوادونو اړيكو لرلو ته اشاره كوي، هيله ده چې د تروريزم پرضد مبارزه، سودمنې لارې ته راولي.
د افغانستان او پاکستان لپاره د امریکا ځانګړى استازى ریچارډ هولبروک پرون کوښښ وکړ، چې د افغانستان د جګړې په اړه د کانګرس اندېښنې لرې کړي.
ښاغلي هولبروك کانګرس ته وویل، چې د افغانستان ماموریت ستونزمن دی خو بریالى کېدای شي.
چهارشنبه 06 اسد 1389
د چارشنبې له سهار راهيسې د جلال اباد ښار په ګډون د ننګرهار ولايت په مختلفو سيمو کې راوتلو سېلابونو درون تاوان اړولى دى.
د دوو امريکايي عسکرو له جملې چې په لوګر کې ورک شوي وو، د يوه مړى موندل شوى او بل يې د وسلوالو په برمته کې دى.
دا په داسې حال کې ده چې طالبانو په پکتيکا کې هم يو امريکايي عسکر برمته کړى او ويل کېږي له دوى سره دى.
په افغانستان کې د ناټو او امريکايي ځواکونو يو وياند وايي، د بل عسکر ډګرمن تود برسيالي د موندلو هڅې روانې دي.
افغان حكومت د دولتي ادارو د كاركوونكو د ظرفيتونو د كچې لوړولو په هدف د ملكي تخنيكي همكاريو په نامه يو پروګرام پيل كړى.
د دې پروګرام د پيل په مراسمو كې چې د چهار شنبې په ورځ په كابل جوړ شوى و، د كابينې يو شمېر غړو، په كابل كې د امريكا د متحده ايالتونو اقتصادي سفيراو د يو شمېر نورو بهرنيو موسسو چارواكو هم ګډون كړى وو.
د افغانستان د دفاع وزارت وايي، چې افغان ملي اردوځواكونه د پام وړ پياوړي شوي او هڅه كيږي، چې شمير يې زيات اوښه تجهيزهم شي.
د دې وزارت وياند د چهارشنبې په ورځ په كابل كې د نړيوالو سوله ساتوځواكونو له وياند سره په يوه ګډ خبري كنفرانس كې وويل، چې افغان ځواكونه به ترراتونكو څلورو كلونو پورې په بشپړه توګه د دې هيواد دامنيت ساتلوجوګه شي.
د كابل ولايت د فرهنګي كميټې له خوا د چهار شنبې په ورځ د هيواد د څلورو فرهنګي، ادبي، علمي او سياسي شخصيتونو د كارنامو د يادولو په وياړ يوه دوه ورځنۍ غونډه جوړه شوه.
دا څلور شخصيتونه، ګل پاچاالفت، عايشه درانۍ، استاد خليل اله خليلي او عبدالرحمن پژواك دي،
راپورونه وايي، د افغان ملي اردو په ليکو کې لا هم قومي انډول په پام کې نه دى نيول شوى. د کندهار په ارغنداب ولسوالۍ کې د ملي اردو د ٤٠ عسکرو له جملې دوه پښتانه دي، چې يو يې هم اشپز دى او بل د سرتېري په توګه دنده اجرا کوي.
په افغانستان او عراق کې د امریکايي ځواکونو نوي نومول شوي قوماندان غوښتنه کړې ده، چې په بلوچستان او قبایلو کې د دوو یاغي ډلو مشران د ترورستانو په ډله کې شامل شي.
د امریکا مرکزي قومانداني له مصره نیولې د اسیا تر جنوب او مرکز پورې په شلو هېوادونو کې د امریکا د قوماندې مسوولیت په غاړه لري.
د كابل په پوهنتون كې د پاكستان په مالي مرسته د علامه اقبال په نامه د اجتماعي علومو يو پوهنځي په عصري توګه جوړ او د چهارشنبې په ورځ د كابل پوهنتون ته وسپارل شو.
په كابل كې د پاكستان سفير محمد صادق وويل، چې په دغه پوهنځي باندې لس ميليونه امريكايي ډالره لږيدلي.
د افغانستان د خبريالانو ټولنه د امروز خصوصي تلويزيون د خپرونو د بندولو په اړه د افغانستان د وزيرانو شورا پريكړه د قانون خلاف بولي وايي، چې دغه پريكړه بايد د افغانستان د اطلاعاتو او فرهنګ وزارت او د رسنيو له قانون څخه د سر غړونې د كميسيون له خوا شوې وه.
د امریکا د کانګرېس د استازو مجلس تېره ورځ په افغانستان کې د متحده ایالاتو د زرګونو تازه دمو ځواکونو لپاره اضافي بودیجه منظوره کړه.
د استازو مجلس په افغانستان کې د اضافي عسکرو د لګښت لپاره شاوخوا ۳۳ میلیارده ډالره چې یو څه به يې په عراق کې پر پوځي چاروهم مصرف شي.
سه شنبه 05 اسد 1389
د افغانستان د كلود بيارغونې او پراختيا وزارت چارواكو د سې شنبې په ورځ په كابل كې خبريالانو ته ويلي چې، د ”دوه زره لومړي“ كال څخه را وروسته دا د كلي والي ټولنو د غښتلتيا درېم ستراتيژيك پلان دى.
د كلو د بيارغونې او پراختيا وزير وويل، چې د دغه پلان ټوله بوديجه نژدې ”يو عشاريه پنځه“ ميليارډه ده.
د كابل ولايت د شكردرې په ولسوالۍ كې د سې شنبې په ورځ، د دوه كيلومترو په اوږد والي د يوبل سړك د جوړېدو كار هم پيل شو.
وړم كال دې ولسوالۍ ته د كابل پروان له عمومي سړك څخه څه باندې پنځه كيلومتره سړك هم تېر شوى و، نوى سړك چې د دې ولسوالۍ له مركز څخه تر (غازې) پورې كابو شل غرني كلي سره نښلوي، د مخدرو موادو د وزارت په مالي مرسته جوړيږي.
د امریکا متحده ایالاتو او لویدیځو متحدانو يې د دوشنبې په ورځ هڅه وکړه چې پر ویکي لیکس ویب پاڼه باندې د خپرو شوو راپورونو د منفي اثراتو مخنیوی وکړي.
په دغو اسنادو کې راغلي چې څه ډول د ناټو ځواکونه په افغانستان کې د ملکي وګړو په مرګ ژوبله کې لاس لري.
واشنګټن پوسټ ورځپاڼې له طالبانو سره د روغې جوړې د موضوع په اړه یو مطلب خپور کړی چې عنوان يې دی (له طالبانو سره د روغې سمه طریقه داده چې لومړی باید د هغوي پر ضد جګړه وګټل شي او بیا ورسره د سولې خبرې وشي.)
د مطلب لیکوال وايي :
د افغانستان د عامې روغتيا وزارت په دغه هيواد كې د روغتيايي خدمتونو په برخه كې د موجودو ستونزو څيړلې لپاره په كابل كې يو وركشاپ پيل كړ.
په دغه درې ورځنې وركشاپ كې چې د سې شنبې په ورځ پيل شو، د افغانستان د څلور ديرشو ولايتونو د روغتيايي چارو رئيسانو ګډون كړى او د روغتيا په برخه كې د موجودو ستونزو د هواري لپاره به هم بحث وكړي.
وركشاپ ته د افغانستان د جمهور رئيس لومړي مرستيال محمد قسيم فهيم او د عامې روغتيا وزارت سرپرستې ځينې څرګندونې كړي.
د افغانستان د وزيرانو شورا د اطلاعاتو او فرهنګ وزارت ته دنده سپارلې چې د امروز تلويزيون نشرات دى تر راتلونكې پريكړې پورې وتړي.
د افغانستان د حكومت د رسنيو د مركز مشر ډاكټر حكيم عاشر د وزيرانو شورا د دغې پريكړې په اړه ويلي چې د امروز د تلويزيون په خپرونو كې مذهبي مسايلو ته لمن وهل كيږي چې ملي يوالي ته هم تاوان رسوي، خو د امروز تلويزيون مشر وايي چې دغه پريكړه د يو شمېر سياسي احزابو په ټينګار شوې ده.
د افغانستان د اوبو او برېښنا وزارت چارواكو له خلكو وغوښتل چې د بريښنا په كارولو كې له له اصراف څخه كار وا نه خلي، ددې وزارت سرپرست وزير محمد اسماعيل دغه ټكي ته په اشارې سره وويل چې دا وزارت په افغانستان كې د بريښنا د سيستم د غځولو په برخه كې د پام وړ كارونه تر سره كړي دي.
په افغانستان كې د بريتانېې سفير وايي چې د كابل په نړېوال كنفرانس كې له شوو پريكړو دوى ملاتړ كوي او د نړېوالو مرستو د لګښت او افغان ځواكونو ته د امنيتي مسووليتونو د سپارلو په برخه کې د افغان حکومت د طرحې سره موافق دي.
د افغانستان د ختيځو ولايتونو خپلواکو خبريالانو د ١٣٨٩ کال د زمري د مياشتې په ٤ نېټه د ننګرهار ميديوتيک په رسنيو کور کې د خپلو ستونزو په اړه غونډه وکړه، چې په کې د ګڼو رسنيو شايق نېټ ورک، کليد راډيو، پژواک اژانس، پښتون اخبار، رويټر اژانس خبریالان راټول شوې و
پرون د افغان ولسمشر حامد کرزي له لوري وويل شول، چې ناټو ځواکونو په هلمند کې پر يوه کور توغندى ويشتلى چې په نتيجه کې ٥٢ ملکيان وژل شوي دي، خو نړيوالو ځواکونو دغه ادعا بې اساسه بللې.
د جمهوري رياست په اعلاميه کې راغلي چې ولسمشر حامد کرزي او د وزيرانو شورا د هلمند دغه حمله په کلکه غندلې ده.
په کابل او اسلام اباد کې تحليل کوونکو او چارواکو د ویکي لیکس ډلې په نوم د محرمو اسنادو د یوه خپروونکي ویب سايټ د وروستي راپور تر خپرېدو وروسته بېلابېل عکس العمل ښوولى، په دې راپور کې د افغانستان په جګړه کې د غربي ځواکونو د ماتې ادعا شوې دغه راز ويل شوي چې پاکستاني استخبارات د سخت دريځو وسلوالو ډلو ملاتړ کوي.
دوشنبه 04 اسد 1389
د افغانستان د سوداګرۍ او صنايعو خونه د افغانستان د وزيرانو د شورا د هغې وروستۍ پريكړې سره خپل كلك مخالفت څرګند كړی، چې وايي سږ كال به سعودي عربستان ته د حاجيانو د انتقال چارې د اريانا هوايي شركت ته ورسپاري.
د افغانستان د سوداګرۍ او د صنايعو خونه وايي، چې د حكومت دغه اقدام د هېواد د اساسي قانون پرخلاف او په هيواد كې پر پانګوالو باندې سخته ضربه ده.
افغان حكومت وايي، چې د ويكي ليكس په نوم د محرمو اسنادو د څيړونكې ډلې له خوا د افغانستان د جنګ او له طالبانو سره د پاكستان د استخباراتي شبكې د همكاريو په اړه به ډيرې څيړنې وكړي.
د ولسمشر كرزي وياند د دوشنبې په ورځ په كابل كې خبريالانوته وويل چې د دغو پټو اسنادو خپرېدل د تروريزم په وړاندې د مبارزې او نورو مسايلوپه اړه ښه معلومات دي.
ويل كيږي چې په افغانستان كې د وزګارو شمېر شاوخوا دوه نيم ميليونو ته رسېدلى او د كارپه لټه كې خلك له اقتصادي ستونزو شكايت كوي، دولت هڅې پيل كړي دي چې د هېواد په ټولو ولايتونو كې وزګارو زلميانو ته د حرفو د زده كړې مركزونه پرانيزي، ترڅو په راتلونكي كې د كار خاوندان او د دوي اقتصادي ستونزې كمې كړي.
د افغانستان د دفاع وزارت وايي، چې د ملي اردو ځواكونو تېره شپه د نورستان ولايت دبرګ مټال ولسوالۍ بېرته له طالبانو نه ونيوله او له دې وروسته به ټينګه وساتل شي.
د دې وزارت وياند د دوشنبې په ورځ ازادي راډيو ته وويل، چې د دې ولسوالۍ د بېرته نيولوعمليات د ملي اردو ځواكونو يوازې ترسره كړي.
نیویارک ټایمز ورځپاڼې د ویکي لیکس ډلې په نوم د محرمو اسنادو د یوه خپروونکي ویب سايټ په حواله راپور ورکړی، چې پاکستان په پټه د وسله والو طالبانو په ملاتړ سره له امریکا سره چل کړی.
سپینې ماڼۍ د دې محرمو اسنادو خپرول په کلکه غندلي او ویلي يې دي چې دا کار د امریکا ملي امنیت او د دې هېواد او د هغه د متحدانو د سرتېرو ژوند له خطر سره مخامخ کوي.
یکشنبه 03 اسد 1389
د امريكا د وسلوالو ځواكونو لوى درستيز امير البحر مايك مولن وويل، هېواد يې د كابل په نړېوال كفرانس كې د ولسمشر حامد كرزي له خوا د اعلان شوي پلان چې له مخې به يې تر ۲۰۱۴ ميلادي كال پورې ټول امنيتي مسئوليتونه افغان ځواكونو ته وسپارل شي، بشپړ ملاتړ كوي.
د افغانستان د انتخاباتي شكايتونو كمېسيون وايي، چې د كانديدانو په اړه شكايتونه څېړي او دې كار ته دوام وركوي، د همدې كمېسيون يو غړي د يكشنبې په ورځ تر غرمې وروسته په كابل كې خبريالانو ته وويل، چې د لسګونو داسې كسانو دوسيې څېړي چې تر اوسه يې له خپلو دندو څخه استعفا نه ده وركړې خو كانديدان دي.
د افغانستان د ملي امنيت شورا نن د ولسمشر حامد كرزي په مشرۍ يوې غونډه كې له وسلوالو طالبانو څخه د نورستان د برګ مټال ولسوالۍ د بيرته نيولو لپاره دغې ولسوالۍ ته د اضافي ځواكونو د ليږلو سپارښتنه وكړه.
د نورستان چارواكي وايي، وسلوالو طالبانو چې پاكستاني اتباع هم په كې شامل دي، تېره شپه له خونړۍ جګړې وروسته برګ مټال ولسوالۍ ونيوله.
د رسنيو د څارمركز پرافغان دولت انتقاد كوي، چې په تېرو څو كلونو كې يې، د خبريالانو د وژل كېدو، د وژنې د پېښو په اړه څېړنو نتيجه نه ده وركړې.
په افغانستان كې د رسنيو او خبريالانو په وړاندې د تاوتريخوالي د لومړني لس كلن راپور تر خپرېدو وروسته د رسنيو د څار مركز چارواكي وايي.
د افغانستان د كورنيو چارو وزارت، د پوليسو د فعاليتونو په اوونيز راپور كې د امنيتي ځواكونو لاسته راوړنو ته اشاره شوې ده، د دې وزارت وياند زمرى بشري د يكشنبې په ورځ خبريالانو ته وويل چې په تېره اونۍ كې يې د تروريستي شبكو شاوخوا لس تنه نيولي او همدارنګه يې په سلګونو كيلو ګرامه مخدرو مواد هم ضبط كړي دي، خوخلك وايي، دا ځواك اوس هم نه دى توانيدلى چې په ځينو حالاتو كې د مخالفينو د بريدونو مخه ونيسي.
په كابل كې د ايټاليا سفير وايي، چې هېواد يي له افغان حكومت سره مرسته كوي، چې خپل حاكميت پراخ كړي او هڅه كوي چې تر څود افغانستان په قضايي سيستمونو كې د ښځو ونډه زياته شې او دوي د دې كار لپاره په افغانستان كې يوشمېرحقوقي روزنيز مركزونه هم جوړ كړي دي، دغه راز د ايټاليا سفير وويل چې د ايټاليا زيات سوداګر دي ته ليواله دي چې په افغانستان كې پانګونه وكړي او د همدې كار لپاره د ايټاليا د سوداګرۍ وزارت يو پلاوى په راتلونكو مياشتو كې افغانستان ته راځي.
په نورستان كې سميه ايزو چارواكو تاييد كړه چې د دې ولايت د برګ مټال ولسوالۍ له سختو نښتو وروسته يو ځل بيا د وسله والو طالبانو لاس ته ورغلې ده.
د نورستان والي جمال الدين بدر ازادۍ راډيو ته وويل، چې وسله والو طالبانو تېره ورځ په دې ولسوالۍ حمله وكړه او له سختو نښتو وروسته امنيتي ځواكونو له دې ولسوالۍ نه شاته تګ وكړ.
پنځه امریکايي پوځیان پرون د افغانستان په جنوب کې د سړک د غاړې په بمي چاودنو کې ووژل شول ،دوه بې درکه شوي او د دوو افغان پولیسو د وژل کېدو په څنګ کې د ولسي جرګې د یوه کاندید د وژل کېدو خبر ورکړای شوی دی.
د ناټو ترمشرۍ لاندې نړیوالو ځواکونوپرون تایید کړه چې دوه پوځیان یې د جمعې په ورځ کابل ته نژدې بې درکه شوي دي.وسله والو طالبانو ادعا کړې وه چې دا دوه عسکر دوی نیولي دي.
شنبه 02 اسد 1389
د افغانستان د كار او ټولنيزو چارو وزارت، د مهارتونو د پراختيا په مقصد، د شنبې په ورځ د كاويان له موسسې سره يوتړون لاسليك كړ.
د تړون له مخې به د كاويان موسسه، د كار او ټولينزو چارو له خوا ورپيژندل شوي يوزروپنځه سوه تنه، د سوداګرۍ او تشبثاتو په برخه كې روزي.
د دې روزنيز پروګرام موده، اتلس مياشتي ښودل شوې ده.
د افغانستان د اساسي قانون پر تطبيق د دغه كميسيون پنځه غړي شنبې په ورځ په كابل كې د ولسمش كرزي د لومړي مرستيال مارشال فهيم قسيم له خوا د يوې غونډې په ترڅ كې وروپيژندل شول، د كميسيون غړو ژمنه كړې چې په هېواد كې به د اساسي قانون پر تطبيق جدي څارنه كوي، تمه كيږي چې دغه كميسيون به د هغو لانجو په هواري كې مهم رول ولوبوي چې د اساسي قانون د تفسير په اړه د حكومت او ملي شورا ترمنځ پيدا كيږي.
افغان چارواكو تمه ښوولې چې، د كابل له نړېوال كنفرانس څخه وروسته چې، د تېرې سې شنبې په ورځ په كابل كې جوړ شو، نړېواله ټولنه د نشه يي توكو سره د مبارزې په برخه كې خپله همكاري لا ډيره كړي.
د افغانستان د نشه يي توكو پر ضد د مبارزې وزارت وايي، چې د كابل په نړېوال كنفرانس كې پر دې ټينګار وشو چې د نشه يي توكو مبارزه يوازې په افغانستان پورې محدوده نه شي پاتې كېداى او بايد په سيمه ايزه او نړېواله توګه دا مبارزه وشي.
د افغانستان مدني ټولنه يوځل بيا له حكومت او ټولو مسولو ارګانونو څخه غواړي، چې اطلاعاتو ته دې د خلكو د لاس رسي د قانون په جوړولو كې مرستې وكړي.
مدني ټولنې د شنبې په ورځ په يوې اعلاميه كې ذكر كړى دی، چې له اطلاعاتو څخه د خلكو ليرې والى، د دې سبب شوى، چې په ادارو كې فساد زيات شي.
په اعلاميه كې دا هم راغلي دي، چې مسوول دولتي ارګانونه ژمن شوي وو، چې دا قانون به تصويب كړي، خو په هكله يې لازم اقدام نه دی شوی.
د سږ كال لپاره د حج په مراسمو كې د ګډون په خاطر د افغان حاجيانو د نوم ليكنې بهير پيل شو، د افغانستان د حج او اوقافو وزارت وايي چې د نوم ليكنې دغه بهيربه د زمري د مياشتې تر يولسمې نېټې پورې دوام وكړي، ټاكل شوې چې سږ كال هم په لسګونه زره افغان حاجيان د حج د مراسمو د ادا كولو لپاره سعودي عربستان ته سفر وكړي.
د سې شنبې په ورځ په کابل کې د نړېوال کنفرنس ګډونوالو د افغانستان د ولسمشر حامد کرزي وړاندیز كړى چې وایي، افغان ځواکونه دې تر ۲۰۱۴ میلادي کاله پورې د ټول هېواد د امنیتي چارو مسولیت پر غاړه واخلي، تصویب کړ.
نړېوال دغه راز سلا شول چې افغانستان ته د مرستو په سلو کې پنځوس به د افغان حکومت له خوا لګول کیږي.
د امریکا د متحده ایالاتو د اقتصادي څیړنې ملي دفتر یو راپور خپور کړی او وایي، په افغانستان کې د بهرنیو ځواکونو په عملیاتو او بمبارېو باندې لګول شوېو محدودیتونو په دې هېواد کې د ملکي خلکو مرګ ژوبله کمه کړی ده.
د امریکا لوی درستیز نن پاکستان ته مخه کړه، څو په دغه هېواد کې د افراطي مسلمانو ډلو په اړه خپلې اندېښنې پاکستاني چارواکو ته ورسوي. دغه ډلې تورنې شوې دي چې په افغانستان کې د ناټو په مشرۍ د بهرنیو ځواکونو پرضد بریدونه کوي.
اډمیریل مایک مولن اسلام اباد ته تر سفر مخکې په نوي ډهلي کې د جمعې په ورځ خبرې غونډې ته د جلال الدین حقاني د ډلې په ګډون په پاکستان کې د افراطي ډلو حضور ته اندیښنه څرګنده کړه.
په ټولنې کی عادی ژوند ته د وسله والو جذبول د افغانستان د سولې د ستراتیژۍ مهمه برخه ده او د دې ستراتیژۍ په عملي کېدو سره به د ولسمشر حامد کرزي د حکومت هغه چارواکي چې په اداري فساد کې په لاس درلودلو او د بشري حقونو په سرغړونو محکوم شوى، سزا هم وویني، خو د څیړونکو په وینا، د افغانستان د سولې او د وسله والو د جذب پروګرام به د عراق په څیر نه وي.
امرالله صالح چې شاوخوا شپږ کاله یي د افغانستان د ملي امنیت د عمومي رییس په څوکۍ کار وکړ او څه موده وړاندې یي استعفی وکړه، د ولسمشر کرزي په خلاف یي یو ډول کمپاین پیل کړى او داسې استدلال کوي چې ولسمشر د طالبانو په ضد جګړې څخه په شا شوی او پرته له دې چې عواقبو ته یي پام وکړي، له وسله والو سره د سیاسي معاملې هلې ځلې کوي.
جمعه 01 اسد 1389
د امریکا حکومت پرون اعلان وکړ، چې د افغان طالبانو پر مشرانو یې نوي مالي بندیزونه لګولي دي. دا په داسې حال کې ده، چې افغان حکومت د پاکستان له حکومت سره په ګډه له وسله والو طالبانو سره د روغې هڅې پیل کړې دي.
اسوشیېټډپرېس خبري اژانس په دې اړه په یوه راپور کې لیکي، چې دا اقدام ښايي د سولې لپاره د ولسمشر حامدکرزي وروستیو هڅو ته زیان واړوي.