د لاسرسي لېنکونه

د بوسنیايي سربانو پولیسو د کرویشیا یو متقاعد جنرال انټې ګوتو وینا د پخوانۍ یوګوسلاویا د کورنۍ جګړې پر مهال د ملکي خلکو پرضد په جنګي جنایت تورن کړی دی.

دا پخوانی جنرال له ۱۹۹۲ تر ۱۹۹۵ میلادي کاله د بوسنیا هرزګووینا د جګړې پر مهال د خلکو په وژلو او بشري ضد جنایتونو تورن دی.

د بوسنیا د سیمه ییزو پولیسو یوې ویاندې ویلي چې د لوی څارنوال په دفتر کې پر یوه وګړي د بشري ضد جنایتونو عرض ثبت شوی خو د تورن وګړی نوم یې نه دی اخیستی.

د بوسینا کورنیو مطبوعاتو ویلي چې دا وګړی انتې ګوتووینا دی.

د ملګرو ملتونو یوې محکمې انتې ګوتووینا په کرویشیا کې د سربانو پر ضد په جنګي جنایتونو تورن کړی و خو په ۲۰۱۲ میلادي کال کې يې په ضمانت خوشې کړ.

د هاګ محکمې هغه په پېل کې په ۲۴ کاله زندان محکوم کړی و.

د بالکان په حوزه کې له ۱۹۹۱ تر ۱۹۹۵ په جګړه کې ۱۳۰ زره کسان ووژل شول چې سل زره یې یوازې په بوسنیا کې وو.

XS
SM
MD
LG