د کندز خاناباد ولسوالۍ اوسېدونکي د غیر مسؤله وسلهوالو له خپلمنځي جګړو څخه په تنګ راغلي دي.
د دوی په خبره چې مرکزي حکومت د دغو خپلسرو وسلهوالو د خلع سلاح کولو توان نهلري.
خاناباد د کندز له هغو ولسوالیو څخه شمېرل کېږي چې له تېرو څو کلونو راپه دېخوا په کې د غیر مسؤله وسلهوالو شتون یوه اساسي ستونزه ګڼل کېږي.
د دې ولسوالۍ خلک وايي چې د مصونیت احساس نهکوي او سربېره پر دې چې شااوخوا کلیو کې وسلهوالو مخالفین حضور لري، خو بیا د خاناباد ښار کې د غیر مسؤله وسلهوالو شتون ورځ تر بلې په زیاتېدو دی او وخت ناوخت دغه خپلسرې وسلهوالې ډلې په خپل منځ کې په جګړې لاس پورې کوي، خو ډېر زیانیې ملکيانو ته رسېږي.
د خاناباد ولسوالۍ یو تن اوسېدونکي جمالالدین وايي:
"د شپې لهخوا د ډزو غږ وي چي همدا غیر مسؤله وسلهوال له یو بل سره جنګېږي همدارنګه د ورځې هم ځیني وخت په خپل منځ کې سره په جنګ اخته وي چې ډېر زیانیې ملکي خلکو ته رسېږي."
په ورته وخت کې د دې ولسوالۍ یو بل اوسېدونکی عبدالحنان بیا وايي چې دغه غیر مسؤله وسلهوال پخوانۍ تربګنۍ لري او د مقابل لوري په لیدو سره دوی پر هغه باندې که په هر ځای کې وي برېد کوي چې ډېری وخت په دغه شان نښتو کې ملکي خلکو ته پهکې مرګ ژوبله اوړي.
نوموړی وايي:
"پخوا په دې ولسوالۍ کې د غیر مسؤله وسلهوالو شمېر ۲۰۰۰ ته رسېده، خو اوس له ۳۰۰۰ هم اوښتی او دولت نهغواړي چې دغه خلک خلع سلاح کړي، دوی له خلکو باج اخلي او خلک نهشي کولای په ډاډه زړه ښار کې خپل کاروبار ته ادامه ورکړي."
بلخوا د خاناباد ولسوال حیات امیري هم د خلکو دغه ادعاوې مني او زیاتوي چې دوی دغه ستونزه د کندز سیمهییزو چارواکو، د کورنیو چارو وزارت او هم د امنیت شورا سره شریکه کړې څو دغې ستونزې ته د حل لاره پیدا کړي.
ښاغلي امیري زیاته کړه:
"ځیني وخت چې د دوی منځ کې جنجالونه کېږي نو د دوی د خپلمنځي شخړو له کبله ملکيان زیانمنېږي او دغه موضوع مو هم له ولایت، امنیت شورا او کورنیو چارو وزارت سره شریکه کړې چې باید مرکزي حکومت په دې اړه جدي تصمیم ونیسي څو دغې ستونزې ته د حل لار پېدا شي او خلک وکولای شي په یوه ارامه فضا کې ژوند وکړي."
د خاناباد ولسوالۍ د سیمهییزو چارواکو د معلومات له مخې په دې ولسوالۍ کې شااوخوا زر تنه غیر مسؤله وسلهوال شته چې پر سپکو او درنو وسلو سمبال دي، خو بیا ځايي اوسېدونکي وايي چې په دې ولسوالۍ کې څه باندې ۲ زره تنه غیر مسؤله وسلهوال فعاله حضور لري او وخت نا وخت په خپلمنځي جګړو باندې لاس هم پورې کوي.
راپور: اجمل ارین