قيصر اپريدي په معاصر پښتو ادب کې د يو نوښتګر شاعر او تکړه نقاد دى، تر اوسه يې د شعرونو درې ټولګې او د نقد په اړه دوه کتابونه خپاره شوي دي.
ښاغلى قيصر وايي، نقد کره او کوټه نه سره بېلوي، بلکې د يوې منظومې او منثورې ليکنې ادبي ارزښت ټاکي، د ده په وينا په پښتو کې لا نقد تر اوسه د خاړپوڅو په حال کې دى.
ښاغلى قيصر وايي، که د وخت له اړتياوو سره سم ادبي دودونه او شعري استعارات بدل نه شي، نو څنګه به د نوي او کلاسيک ادب تر منځ د توپير کرښه و ايستل شي.
ښاغلى قيصر اپريدى دا مهال په کراچۍ کې ژوند کوي.
زموږ همکار بارکوال مياخېل د پښتو اوسني شعر او په کراچۍ کې د پښتنو ليکوالو پر ادبي فعاليت ورسره تفصيلي مرکه کړې ده: