د سعودي عربستان حکومت په تېرو څلورو میاشتو کې څه کم ۴۰ زره پاکستاني کارګران له دې هېواده وایستل.
سعودي چارواکو د دې کارګرانو د ایستلو لپاره بېلابېل دلایل ښودلي.
د دوی په وینا ځینو دې کسانو د سعودي عربستان له قوانینو سرغړونه کړې، څو تنو یې له داعش ډلې سره اړیکې لرل او یو شمېر نور د مخدروموادو په قاچاق کې ښکیل وو.
سعودي عربستان په تېرو څو لسیزو کې د پاکستان لوی متحد پاتې شوی دی خو آیا دا اتحاد په سیمه کې د ځینو بدلونونه له کبله له ګواښ سره نه دی مخامخ شوی؟
په دې اړه مو د پاکستان د مشرانو جرګې له پخواني غړي او سیاستوال افراسیاب خټک سره مرکه کړې. له احمدتکل سره د مرکې په پیل کې ښاغلي خټک اقتصادي مسایل د دې کارګرانو د ایستلو اصلي عامل وباله: