د ارزګان ولایت د یو شمېر ښوونځیو زدهکونکي وايي، دولتيې پر خپل وخت ستونزو ته رسیدهګي نهکوي.
د ارزګان ولایت مرکز ترینکوټ او یو شمېر ولسوالیو د ښوونځیو زدهکونکي شکایت کوي چې درسي کتابونه او مسلکي ښوونکي نهلري.
دوی له دولته غواړي چې راتلونکي کال کې مسلکي ښوونکي ښوونځیو کې ورته وګماري او د درسي کتابونو کمی دې ورپوره کړي.
په ارزګان کې د یو شمېر ښوونځیو زدهکوونکو ازادي راډیو ته وویل:
"زما نوم شاهدالله دی، د ارزګان ترینکوټ کې د سیدالخان په عالي لېسه کې زدهکړې کوم، زموږ د ښوونځیو په یوه کېلو مترۍ کې جګړه روانه ده خو بیا هم موږ غیرحاضري نهکوو."
"زما نوم جاوید عرفان د ارزګان د چورې ولسوالۍ د زکریا لېسې زدهکوونکی یم، زموږ لېسه کې هېڅ د خوراک اوبه نهشته، د لوبو میدان هم نهلرو."
ارزګان یو د افغانستان د هغه ناامنه ولایتونو څخه دی چې د مسؤلینو په خبره په دغه ولایت کې د تېرو شپږو میاشتو راهیسې د ناامنیو له کبله ۲۸۰ښوونځي د زدهکوونکو پر مخ تړلي دي.
بلخوا د ارزګان ولایت د پوهنې سرپرست رئیس نجیبالله کامران هم وايي چې په دغه ولایت کې زدهکوونکو تېر کال درسي کتابونه نهدرلوده او نهيې هم مسلکي ښوونکي درلودل، خو دا ستونزې به حل کړي.
نوموړی وايي چې د یو شمېر هغو ښوونځیو لپارهیې هم د خلاصون لاره سنجولې چې د وسلهوالو طالبانو تر کنټرول لاندې سیمو کې دي.
ښاغلي کامران زیاته کړه:
"زما شپږ میاشتې کېږي چې ارزګان کې د پوهنې د ریاست سرپرست شوی یم، نو دغه ستونزې چې د پخواني رئیسانو نه راته په میراث راپاتې دي، هغوی ارزګانیانو ته په صداقت کار نهکاوه."
دا په داسې حال کې ده چې څه موده وړاندې د ارزګان ولایت د پوهنې پخوانی رئیس احسانالله ناشر د ۴۰ میلیونه افغانیو فساد په تور د ارزګان د استېناف څارنوالۍ تر تحقیقاتو وروسته زنداني شو.
راپور: شریفالله شرافت