نن پر یوه داسې فلکلوریک توک غږیږوو چې تاسې به ډېر استعمال کړی وي او یا به مو د دغه توک په اړه ډېر اورېدلي وي، خو کله به مو هم د دغه توک پر تاریخ او ارزښت فکر نه وي کړی.
کټ د افغاني او پښتني ټولنې هغه فلکلوریک توک دی چې له ډېره پخوا راهیسې په کورونو، دېرو، حجرو او د ناستو په ځایونو کې استعمالېده او لا هم استعمالېږي.
کټ د منځنۍ اسیا په هېوادونونو کې زرګونه کاله لرغونتوب لري، په افغاني ټولنه کې یې مخینه تر اریایانو رسي او داسې ویل کېږي، د دې لپاره چې انسان د یو شمېر زیان رسوونکو حشرو څخه په خوندي توګه استراحت وکړي، کټ رامنځته شو.
موږ نننۍ خپرونه په پښتني ټولنه کې د کټ پر تاریخ، ارزښت او پر وړاندې یې په شتو باورونو جوړه کړې ده.
جوړوونکی: محبوب شاه محبوب