د افغانستان ولسمشر محمد اشرف غني، د اسيا زړه شپږم کنفرانس کې د ګډون په هدف نن د هندوستان امرتسر ښار ته ځي.
تمه کېږي د هندوستان په کوربه توب- په دې غونډه کې په اقتصادي برخه کې پر سيمه ييزې همکارۍ او د تروريزم په وړاندې د مبارزې پر لارو چارو خبرې وشي.
ښاغلى غني چې په متحده عرب اماراتو کې دى، تېر ماښام په ابوظبۍ کې د متحده عرب اماراتو د خپلواکۍ د پنځه څلوېښتمې کليزې په مراسمو کې ګډون وکړ.
افغان ولسمشر به چې د يوه دولتي هيئت مشري کوي، نن "تر ګواښ لاندې فرهنګي ميراثونو د ملاتړ"په کنفرانس کې برخه واخلي.
دى به نن له پانګوالو او سوداګرو سره هم وګوري.
صالح محمد صالح د ولسمشر له وياند هارون چخانسوري څخه چې له ولسمشر سره مل دى، د مرکې په پيل کې پوښتنه وکړه:
له پانګوالو به ولسمشر په نننۍ کتنه کې څه غوښتنې مطرح کړي؟