د لاسرسي لېنکونه

چین وایي، افغانستان د چین د اقتصادي کمربند لپاره حیاتي ارزښت لري.

دا خبره د چین بهرنیو چارو مرستیال وزیر پرون کابل کې له ولسمشر اشرف غني سره په ارګ کې د کتنې پر مهال وکړه.

د جمهوري ریاست د خبرپاڼې له مخې ولسمشر اشرف غني وویل چې داسې هڅې روانې دي چې افغانستان په سیمه کې د همکارۍ او سره یوځای کېدو په اصلي مرکز بدل شي.

تمه ده چې نن د چین د بهرنیو چارو مرستیال وزیر کانګ زینیو د افغانستان له اجرائیه رئیس سره په کابل کې وویني.

د افغانستان بهرنیو چارو وزارت سیاسي مرستیال حکمت خلیل کرزي پرون مازیګر په کابل کې له خپل چینایي سیال سره ګډې خبري غونډې ته وویل:

"د چین بهرنیو چارو وزارت مرستیال چې کابل ته راغلی، له اجرائیه رئیس او پخواني ولسمشرحامد کرزي سره د پنجشنبې په ورځ ویني او په تفصیل به خبرې وکړي."

د چین بهرنیو چارو مرستیال وزیر دغه‌راز افغان ولسمشر ته وړاندیز کړی چې سیمه کې د اقتصادي پرمختګ لپاره دې د پیکنګ، کابل او اسلام‎اباد تر منځ درې اړخیزې غونډې پیل شي.

XS
SM
MD
LG