د لاسرسي لېنکونه

د نورستان دواب ولسوالۍ کې تر یوې لنډې کرارۍ وروسته نن سهار یو ځل بیا جګړې زور اخیستی دی.

د نورستان سرپرست والي حافظ عبدالقیوم نن ازادي راډيو ته وویل چې د دواب جګړې ته له شاوخوا ولایتونو څخه وسله‎وال ورغلي دي.

له سیمې د ازادي راډیو خبریال وایي چې تازه دمي ځواکونه د وسله‎والو د حملې د شنډولو لپاره ورسېدلي دي.

د نورستان امنیه قوماندان جنرال اکرام‌الدین سریع له دې مخکې ازادي راډیو ته وویل چې شاوخوا ۵۰۰ وسله‎والو پر دې ولسوالۍ حمله کړې ده.

د جګړې له امله د اوښتو تلفاتو دقیق ارقام تر اوسه نه‌شته خو طالب ویاند ذبیح‌الله مجاهد ادعا کوي چې افغان ځواکونو ته‌یې درانه تلفات اړولي او دوه پوستې یې هم نیولي دي.

XS
SM
MD
LG