د لاسرسي لېنکونه

د امریکا منتخب مرستیال ولسمشر مایک پینس تائید کړې ده چې د ټرمپ په راتلونکې اداره کې د بهرنیو چارو د وزیر په توګه د نورو کاندیدانو تر څنګ د جمهوري ریاست د پخواني کاندید میټ رامني پر ټاکل کېدو هم غور روان دی.

مایک پینس وروسته له هغې دا څرګندونې وکړې چې پرون منتخب ولسمشر ډونالډ ټرمپ د میټ رامني سره وکتل.

د ټرمپ د انتخاباتي مبارزو پر مهال ټرمپ او رامني پر یو بل سخت انتقادونه کړي وو.

میټ رامني ډونالډ ټرمپ یو تقلبي سړی بللی و او له جمهوري غوښتونکو یې غوښتي وو چې نوموړي ته دې رأیې نه‌ورکوي.

ټرمپ بیا میټ رامني بایلونکی او ناکام کاندید بللی و.

میټ رامني په ۲۰۱۲ میلادي کال کې د امریکا د ولسمشرۍ په انتخاباتو کې د ولسمشر بارک اوباما په وړاندې ماتې وخوړه.

ویل کېږي چې نوموړي د بهرنیو چارو د وزارت د څوکۍ لپاره تمایل ښودلی دی.

XS
SM
MD
LG