تمه ده تر راتلونکو دوو ورځو پورې په روسیه کې د موی تای سیالۍ ترسره شي.
د افغانستان د موی تای فدراسیون د ارزوونکو د کمېټې مسؤل طاهر احمدي نن ازادي راډیو ته وویل چې په دغو سیالیو کې د افغانستان په استازیتوب اوو تنو لوبغاړو، یو روزونکي، دوو ارزوونکو او د یوه ټیم مشر ګډون کړی دی.
نوموړي زیاته کړه چې په دغو سیالیو کې د ۶۴ هېوادونو د موی تای ټیمونو لوبغاړي حضور لري.
احمدي زیاته کړه چې دغه سیالۍ د نوومبر په ۲۲مه نېټه پیل شوي او د همدې میاشتې تر ۲۷مې نېټې به دوام وکړي.