د لاسرسي لېنکونه

د فاریاب والي وايي، د دې ولایت او جوزجان ترمنځ د لوې لارې د امنیت د ټینګښت لپاره پراخ پوځي عملیات دوام لري.

سید انور سادات تېر ماښام ازادي راډیو ته وویل د دې لوې لارې د امن کولو هدف په ارامه فضا کې له دې سیمې څخه د لاجوردو د لارې د افتتاح د مراسمو لپاره زمینه برابرول او د دولت ضد وسله والو د فعالیت مخنیوی دی.

هغه وویل، د فاریاب او جوزجان ترمنځ د لورې لارې د امنیت لپاره چې له ۷ ولسوالیو تېرېږي له تېرو شلو ورځو راهیسې عملیات روان دي.

د نوموړي په وینا ټاکل شوې ده چې تر راتلونکو لسو ورځو پورې په فاریاب کې د لاجوردو د لارې د پرانیستلو مراسم جوړ شي.

XS
SM
MD
LG