د لاسرسي لېنکونه

د کانګرس سلاکارانو د کانګرس له غړو په واشنګټن کې وغوښتل چې پرې نه‎ږدي د چین دولتي کمپنۍ د امریکا د خلکو پر تجارت کنټرول پیدا کړي، یا یې واخلي.

د امریکا او چین د اقتصادي او امنیتي اړیکو کمېسیون کانګرس ته د ۲۰۱۶ کال په راپور کې مشوره ورکړې ده چې قانون تعدیل کړي، څو چینایي دولتي کمپنۍ پر امریکایي شرکتونو تسلط پیدا نه‎کړي.

دا راپور چې پرون خپور شو، دا اندېښنه‌یې څرګنده کړې ده چې دغه کمپنۍ به د ټکنالوژي، استخباراتو او په بازار کې د واک له لارې د چین د دولت په ګټه هڅې وکړي.

په راپور کې ویل شوي دي چې په ۲۰۱۶ کال کې په امریکا کې د چین پانګونه په بې‌سارې ډول ۳۰ میلیارډه ډالرو ته لوړه شوې ده.

په دې برخه کې شاوخوا اووه نیم میلیارده پانګونه په مستقیم ډول د چین د دولتي کمپنیو ده.

XS
SM
MD
LG