د لاسرسي لېنکونه

یوې پوځي هلیکوپټرې د غور ولایت د مرکز فیروزکوه هوايي ډګر ته نېږدې بېړنۍ ناسته کړې ده.

د غور امنیتي چارواکي تائیدوي دا یوه پوځي هلیکوپټره وه چې په عملیاتو کې له ګډون وروسته‌یې د تخنیکې عارضې له کبله بېړنۍ ناسته کړې.

د غور ولایت امنیه قوماندان جنرال مصطفی محسني په دې اړه ازادي راډیو ته معلومات ورکړل او وویل:

"دا هلیکوپټره د فیروزکوه په شمال کې زموږ په پوځي عملیاتو کې شامله وه. خپله دنده‌یې سرته رسولې وه او د راستنېدو پر مهال چې هوايي ډګر ته نېږدې رارسېږي تخنیکي عارضه ورته پیدا کېږي او کېنې خو هېڅ‌چا ته زیان نه‎دی اوښتی."

په همدې حال کې عیني شاهدانو په غور کې د ازادي راډیو خبریال ته ویلي چې دې هلیکوپټرې د بېړنۍ ناستې پر مهال اور اخیستی دی.

دا عیني شاهدان همداراز وايي چې د پېښې پر مهال‌یې د ډزو اوازونه هم اورېدلي دي.

XS
SM
MD
LG