د لاسرسي لېنکونه

د ایران ولسمشر حسن روحاني وویل، دا امکان نه‎لري چې د امریکا منتخب ولسمشر ډونالډ ټرمپ د تهران اټمي تړون فسخه کړي.

ټرمپ د انتخاباتي مبارزې پر مهال ویلي و چې دی به دا تړون بېرته راوګرځوي.

د ایران دولتي تلویزیون د روحاني په وینا پرون خبر ورکړ چې ده د کابینې غونډې ته په تهران کې وویل، اټمي تړون له یوه هېواد یا یوه حکومت سره نه‎دی لاسلیک شوی دا د ملګروملتونو د امنیت شورا د پریکړه‎لیک له لوري تصویب شوی او دا ممکنه نه‎ده چې د یوه حکومت له لوري تبدیل شي.

په ۲۰۱۵میلادي کال کې نړیوالې ټولنې پر ایران لګیدلي بندیزونه د دې په وړاندې لېرې کړل چې ایران به خپل اټمي فعالیتونه راکموي.

ټرمپ ویلي دي چې دا تړون یو ناورین دی او دې ته لومړیتوب ورکوي چې فسخه یې کړي.

XS
SM
MD
LG