د لاسرسي لېنکونه

د ۲۰۵ اتل قول اردو چارواکي وايي چې ارزګان ولایت کې یې د عملیاتو پرمهال ۳۷ وسله‎والو طالبان وژلي او ۱۰یې ټپيان کړي.

د دغې قول اردو د عامه اړیکو مسؤل محمد صادق نن ازادي راډیو ته وویل، د افغان ځواکونو دغه هوايي او ځمکني عملیات د مرکز اړوند وانو، چرمګر او دوراهي سیمو کې شوي دي.

ښاغلي صادق زیاتوي چې په پيل شویوعملیاتو کې د وسله‎والو طالبانو ځینې پوځي وسایط او وسلې هم له‎منځه تللي دي.

د یوه بل خبر له مخې د کونړامنيې قومندان جنرال جمعه ګل همت ازادي راډیو ته وویل چې تېره شپه د سرکاڼو ولسوالۍ د ناواپاس سرحدي پوستو وسله‎والو مخالفینو برید کړی چې په‎کې د سرحدي پولیسو دوه سرتېري ټپیان شوي دي.

ښاغلي همت وايي، جګړه کې وسله‎والو مخالفینو ته هم مرګ ژوبله اوښتې خو د شمېر په اړه یې دقیق معلومات نه‎لري.

وسله‎والو طالبانو تراوسه د دغو دواړو پېښو په اړه څه نه دي ویلي.

XS
SM
MD
LG