کابل امنیه قومندانۍ: جنايي جرمونو په تړاو ۱۹۱ تنه نیول شوي
د کابل امنیه قومندانۍ وايي چې تېرو دوو اوونیو کې کابل ښار کې د جنايي جرمونو په تړاو ۱۹۱ تنه نیولي دي. امنیه قومندان عبدالرحمن رحیمي نن خبریالانو ته وویل چې له دې سره په خوا کې کابل پولیسو د ښار له بېلابېلو سیمو یوه اندازه مهمات او وسلې هم راټولې کړې دي. "د کابل پولیسو په بېلابېلو جرایمو په تور چې په هغه کې تروریستي، جنايي او پلان شوي جرایم شامل دي ۱۹۱ تنه د کابل پولیسو نیولي دي." ښاغلي رحیمي په داسې حال کې کابل ښار کې د جنايي پېښو د کموالي خبره کوي چې تېره شپه نامعلومو وسله والو له قلعه فتح الله سیمې څخه یو اسټرلیايي مېرمن تښتولې ده. دغې مریمنې له اکبر موسسې سره د ښځو د ظرفیت لوړولو په برخه کې کار کوو. ویډیو: محمد ابراهیم صافی