د لاسرسي لېنکونه

نوې نظرپوښتنه څرګندوي چې د هغوی اوکراینیانو شمېر زیات شوی چې په ناټو تړون کې د خپل هېواد د غړیتوب ملاتړ کوي او د روسیې په مقابل کې یې احساس سوړ دی.

په‎دې سروې کې څرګنده شوې چې د اوکرایین ۴۳ فیصده خلک په ناټو تړون کې د خپل هېواد د غړیتوب ملاتړ کوي.

څلور میاشتې وړاندې د دې خلکو شمېر ۳۹ فیصده وو.

په ناټو کې د اوکرایین له غړیتوب سره یوازې ۲۹ فیصده خلکو مخالفت څرګند کړی دی.

سروې کې همدا راز څرګنده شوې چې په سلوکې ۷۵ اوکراینیان د روسیې په وړاندې خپل احساس [سوړ] یا [ډېر سوړ] ګڼي.

دا سروې د کاناډا د حکومت په مالي مرسته، امریکا کې د یوه تحقیقاتي مرکز په استازیتوب په اوکراین کې د راتنګ ګروپ په نوم ادارې ترسره کړې ده.

په سروې کې څرګنده شوې چې ډېر خلک د اوکرایین د حکومت له اقتصادي پروګرامونو او د اداري فساد پر ضد مبارزې څخه راضي نه‎دي.

XS
SM
MD
LG