د لاسرسي لېنکونه

د اسلامي دولت په نوم وسله‎والې ډلې یا داعش ننګرهار کې د پچیراګام ولسوالۍ د قومي مشرانو پر غونډه د انتحاري حملې مسؤلیت واخیست.

په‎ دې حمله کې پرون دوشنبه لږ تر لږه ۱۱ تنه ووژل او زخیمان شول.

د ننګرهار پچیراګام ولسوالۍ کې د داعش وسله‎والو د فعالیت له امله امنیتي وضعیت ښه نه‎دی او د دې ولسوالۍ ډېر خلک جلال‎اباد ښار ته تښتېدلي دي.

د داعش وسله‎والو په یوه اعلامیه کې ادعا کړې چې په‎ دې حمله کې یې ۱۵ تنه وژلي او ۲۵ تنه زخمیان کړي دي.

خو د ننګرهار د والي ویاند وايي چې په حمله کې څلور تنه وژل شوي او اووه تنه زخمیان دي.

د افغانستان جمهور رئیس دا پېښه په شدت غندلې ده.

XS
SM
MD
LG