د لاسرسي لېنکونه

جمهوري ریاست وايي چې د ملي وحدت حکومت د مشرانو ترمنځ په ځینو مسایلو او موضوعاتو کي د لیدلوري توپیرونه د اندېښنې وړ نه دي.

د ولسمشر مرستیال ویاند شاه حسین مرتضوي نن ازادي راډیوته وویل د حکومت کارونه به نارمل ډول مخکې ځي.

نوموړي زیاته کړه:

"اختلاف نه دی موجود په یو شمېر مسایلو او موضوعاتو باندې د لیدلوري توپیرونه موجود دي چې زیات د اندېښنې خبره نه ده، حکومتي کارونه په سم، نارمل او ورځنۍ ډول مخ ته ځي."

ښاغلی مرتضوي ټینګار کوي چې اختلافي نظرونه باید د اساسي قانون په چوکاټ کې مطرح شي چې دا د حکومت او خلکو غوښتنه هم ده.

دا په داسې حال کې ده چې په دې وروستیو کې د ولسمشر لومړي مرستیال ولسمشر او اجرائیه رئیس په قوم پالنې تورن کړي خو جمهوري ریاست وايي چې دا ډول څرګندونې عدليي او قضايي پلټنو ته اړتیا لري.

XS
SM
MD
LG