د لاسرسي لېنکونه

د بامیانو په ولایت کې د نجونو لپاره د لیلیې د جوړولو کار پیل شو.

د دغې لیلیې د بنسټ ډبره پرون د بامیان والي طاهر ظهیر د مراسمو په ترڅ کې کېښوده. سیمه ییز چارواکي وايي چې دغه لیلیه به د ډېرو ښو امکاناتو په درلودلو د بامیان پوهنتون د ۲۸۰ تنو محصلینو لپاره د لوړو زده‎کړو د وزارت له بودجې څخه د ۹۵ میلیونو افغانیو په لګښت جوړېږي او د دوو کلونو په ترڅ کې به یې کار بشپړ شي.

د بامیانو والي طاهر ظهیر وایي چې د نجونو دغه لیلیه به د هېواد په کچه بې سارې وي.

د بامیان والي زیاته کړه چې د نجونو لپاره د لیلیې نشتوالی یوه لویه ستونزه ده چې زموږ نه یې د خلکو له‎خوا تل غوښتنه کیده.

د نجونو دغه لیلیه به ۶۱ خونې ولري او په څلورو پوړونو کې جوړېږي.

XS
SM
MD
LG