د لاسرسي لېنکونه

د امریکا مرکزي قومانداني وايي، د القاعده شبکې پنځه غړي تېره اوونۍ په یمن کې په هوايي حمله کې وژل شوي دي.

دغې قومندانۍ تازه ویلي چې هوايي حمله د اکټوبر په ۲۱مه په مارب کلي کې شوې ده.

د دغو کسانو نومونه نه‌دي خپاره شوي.

د امریکا د مرکزي قوماندانۍ ویاند جاش ژاک ویلي چې په یمن کې د القاعده شبکې یوه برخه د سیمې او امریکا لپاره جدي ګواښ دی.

د ژاک په خبره په یمن کې د القاعده حضور د دغه هېواد د بې‌ثباتۍ یو عمده لامل دی.

نوموړي وویل امریکا په دې کار کوي چې اجازه ورنه‌کړي څو القاعده په یمن کې پټنځایونه جوړ کړي او جدي ګواښ رامنځته کړي.

XS
SM
MD
LG