د لاسرسي لېنکونه

روسيه وايي، نهه ورځې کېږي چې د سوريې حلب ښار کې يې هوايي حملې نه‌دي کړي، خو راپورونه وايي چې په وروستيو ورځو کې هوايي حملو دوام کړی دی.

د روسيې د دفاع وزارت يوه لوړپوړي چارواکي سرګي رودسکوی پرون ويلي چې مسکو د اکټوبر په نهمه هوايي حملې ودرولې او اوس به هم دا اقدام دوام وکړي.

ده ونه‌ويل چې د څومره مودې لپاره به هوايي حملې نه‌کېږي.

دی وايي:

"زه غواړم ستاسو پام دې حقيقت ته راواړوم چې د اکټوبر له اتلسمې نېټې د روسيې او سوريې الوتکو د حلب له لس کېلو مترۍ سره عمليات درولي دي. د سوريې او روسيې د هوايي حملو وقفه به وغځېږي."

خو د سوريې د بشري حقونو څار ډلې ويلي، هوايي حملې د تېرې شنبې په ورځ بېرته پیل شوي او په ختيځ حلب کې تر اوسه د ملکي وګړو د وژل کېدو راپور نه‌دی راغلی.

د امريکا د بهرنیو چارو وزارت له روسيې غوښتي چې په هوايي حملو کې نوې اعلان شوې وقفه عملي کړي چې ملکيانو ته بشري مرستې په سمه توګه ورسول شي.

XS
SM
MD
LG