له کندهاره څه باندې ۱.۵ زر ټنه انار پاکستان او هند ته صادر شوي
له کندهاره څه باندې یو نیم زر ټنه انار پاکستان او هند ته صادر شوي دي.د کندهار د سوداګرۍ خونې مشر نصر الله ذهیر ازادي راډیو ته وویل چې دا لا د انارو د فصل پیل دی.دی وايي: "۱۱۴۰ ټنه انار پاکستان ته صادر شوي او نېږدې ۵۱۵ ټنه انار هند ته صادر شوي دي." د کندهار سوداګرۍ د خونې چارواکو په وینا سږ کال په دغه ولایت کې د نورو کلونو په پرتله ۴۳ فیصده د انارو حاصلات زیات شوي او ټاکل شوې ده چې د لومړي ځل لپاره یوه اندازه انار د نمونې لپاره فرانسې ته هم صادر شي. محمدصادق رښتينى د کندهار د انارو پر حاصلاتو دا ویډیويي راپور برابر کړی.