د لاسرسي لېنکونه

د فرانسې ولسمشر فرانسوا اولانډ وايي، داسې شواهد شته چې د اسلامي دولت د وسله‎والې ډلې غړي د عراق له موصله سوریې ته تښتي.

په موصل کې د داعش خلاف له تېرو څلور ورځو راهیسې پراخ پوځي عملیات پیل شوي دي.

د موصل د راتلونکي په اړه پاریس کې یوې نړیوالې غونډې ته د وینا پر مهال د فرانسې ولسمشر نن پنجشنبه وویل، د دې لپاره چې دا وسله‎وال په رُقه کې چې په سوریه کې د داعش پوخ مورچل ګڼل کېږي له نورو وسله‎والو سره یوځای نه‌شي باید ټولې هڅې وشي.

د فرانسې ولسمشر وویل، د هغو ترهګرو په تعقیب کې د تېروتنې بیه نه‌شو پرې کولای چې همدا اوس له موصله رقې ته په تېښته دي.

ګومان کې چې د عراق په دوهم لوی ښار موصل کې به د څلورنیم زرو په شاوخوا کې د داعش وسله‎وال واوسي.

دوی دا ښار له ۲۰۱۴ میلادي کال راهیسې نیولی دی.

XS
SM
MD
LG