د لاسرسي لېنکونه

عراقي پوځیان وایي، د دغه هېواد اېف شپاړلس جنګي الوتکو په موصل کې د داعش سنګرونه په نښه کړي دي او ځواکونه‌یې پرمختګ کوي.

د راپورونو له مخې عراقي پوځیان له کُردي ځواکونو سره یوځای چې امریکا یې ملاتړ کوي، موصل ښار ته نېږدې شوي دي.

د عراق د نهمې فرقې عمومي قوماندان وویل چې په موصل کې یو شمېر کلي له داعش څخه پاک شوي دي.

دی وايي:

"فدرالي پولیس او د نهمې فرقې زرهپوش ځواکونه ورو-ورو وړاندې کېږي. د سې شنبې په ورځ دوی د الحد او لزاکه کلي له داعشه ونیول او د چهارشنبې په ورځ‌یې د الحد په شمال او لوېدیځ کې یو شمېر کلي ازاد کړل."

موصل په عراق کې د داعش یو غښتلی مرکز دی.

دا ښار په ۲۰۱۴ میلادي کال کې داعش ونیو.

په دغه ښار کې د جګړو له امله په زرګونه کسان د خپلو کورونو پرېښودو ته اړ شوي دي.

XS
SM
MD
LG