د لاسرسي لېنکونه

پنټاګون د اسلامي دولت وسله‎واله ډله تورنه کړې چې د عراق په موصل ښار کې زرګونه ملکيان د عراقي ځواکونو د پرمختګ د مخنیوي لپاره د بشري ډال په توګه کاروي.

د پنټاګون ویاند جېف ډېوېس پرون سې شنبه په واشنګټن کې خبریالانو ته وویل، له څو اوونیو راهیسې د موصل خلک په زور نیول کېږي او نه‌پرېښودل کېږي چې له موصله بهر ووځي.

ده زیاته کړه چې ولسي خلک د دوی د خوښې خلاف په موصل کې ساتل شوي.

د راپورونو له مخې شاوخوا یو نیم میلیون ولسي وګړي لاهم په موصل ښار کې ژوند کوي.

د کډوالو نړیوال سازمان «IOM» پرون خبرداری ورکړ چې داعش ښايي پر موصل د خپلې ولکې د ساتلو لپاره لسګونه زره وګړي د بشري ډال په توګه وکاروي.

«IOM» همداراز ویلي چې د داعش د وسله‎والو له‎خوا د کیمیاوي وسلو د حملو احتمال هم شته، ځکه دې ډلې د عراقي کردانو پر ضد هم دا ډول وسلې کارولي دي.

XS
SM
MD
LG