د لاسرسي لېنکونه

د افغانستان حکومت وايي، د دایمي او باعزته سولې اراده لري او دې هدف ته د رسېدو لپاره به له هرې ممکنې لارې کار واخلي.

د بریتانیې ګارډین ورځپاڼې پرون خبر ورکړ چې د افغانستان د استخباراتو مشر محمد معصوم ستانکزی او د طالبانو له لوري ملامنان اخوند په وروستیو کې د قطر په پلازمېنه دوحه کې سره کتلي او د سولې پر امکان‌یې خبرې کړې دي.

د امریکا بهرنیو چارو وزارت ویاند مارک ټونر پرون په ‎دې اړه له تبصرې ډډه کړې خو روېټرز خبري اژانس ته ویلي چې متحد ایالات افغانستان کې د سولې لپاره د هڅو ملاتړ کوي.

د افغانستان د ولسمشر مرستیال ویاند دوا خان مینه‎پال هم پرون سې شنبه ازادي راډیو ته وویل چې د سولې دروازې د ټولو ډلو پر مخ پرانیستې او نور جزئیات‌یې نه‎دي ورکړي.

د وسله‎والو طالبانو یوه ویاند ذبیح‌الله مجاهد له روېټرز خبري اژانس سره په مرکه کې دا رپوټونه رد کړي او پروپاګند یې بللي دي.

XS
SM
MD
LG