د لاسرسي لېنکونه

د روسیې د انرژۍ وزیر الکساندر نوواک د چهارشنبې په ورځ وویل توره بحیره کې د تُرک سټریم د طبیعي ګازو د نل‎لیکې د جوړېدو کار به راتلونکی کال پیل شي.

نوواک له استانبوله د کتنې په ترڅ کې خبریالانو ته وویل چې د دغه کار د پیلېدو لپاره د اړتیا وړ ټول مسائل منظور شوي او زیاته‌یې کړه چې د دغې نل‎لیکې د جوړېدو پروژه به د ۲۰۱۹ میلادي کال تر پایه بشپړه شي.

دغه نل‎لیکه به د روسیې ګاز د سوټ سټریم له لارې اروپا ته لېږدوي.

د دغې نل‎لیکې تړون د روسیې ولسمشر ولادیمیر پوتین ترکیې ته په وروستي سفر کې له خپل ترکي سیال رجب طیب اردوغان سره لاسلیک کړ.

XS
SM
MD
LG