د لاسرسي لېنکونه

د روسیې ولسمشر ولادیمیر پوتین فرانسې ته خپل سفر ځنډولی دی.

پوتین راتلونکې اوونۍ پاریس کې د فرانسې له ولسمشر فرانسوا اولانډ سره د خبرو تر څنګ، د روسي هنري اثارو د یوه نندارتون د پرانیستلو پلان درلود.

خو پوتین خپل سفر د دې لپاره لغوه کړی چې د فرانسې ولسمشر فرانسوا اولانډ غوښتل چې د دواړو خبرې یوازې د سوریې وضعیت ته محدودې وي.

د فرانسې ولسمشر فرانسوا اولانډ پرون په‎ دې اړه وویل:

"ټاکل شوې وه چې ښاغلی پوتین ډېر ژر پاریس ته راشي او په یو لړ مراسمو کې برخه واخلي. ما له ‎دې ملاقات سره یوازې په ‎دې شرط موافقه کړې وه چې هغه به د سوریې پر حالت خبرې راسره کوي، یوازې پر سوریه! ما همداراز ولسمشر پوتین ته څرګنده کړې وه چې پاریس ته د راتګ په صورت کې به‌یې زه نورو مراسمو ته نه بدرګه کوم خو د سوریې پر وضعیت خبرې کولای شم او هغه د سفر ځنډول غوره وبلل."

د کرېملېن ویاند ویلي چې د دې سفر لپاره به بل مناسب وخت ته ګوري.

XS
SM
MD
LG