د لاسرسي لېنکونه

هند پلان لري چې پر هغو درېیو سیندونو د برېښنا بندونه جوړ کړي چې د پاکستان لور ته بهېږي.

د هند صدراعظم وايي، هېواد به‌يې د پاکستان د منزوي کېدو لپاره په نړیواله سطحه خپلو هڅو ته دوام ورکړي.

نرېندرا مودي د دوشنبې په ورځ د لوړ رتبه چارواکو یوې غونډې ته وویل، نوې ډېلي به په دې لړ کې د اوبو له خپلو زېرمو ګټه واخلي.

هندي چارواکي وايي، دا هېواد پلان لري چې پر درېیو سیندونو چناب، جهلم او سند د برېښنا یو شمېر بندونه جوړ کړي.

هند پر دغو سیندونو چې پاکستان ته بهېږي وروسته له هغې د بندونو د جوړولو موضوع مطرح کړه چې د دې هېواد صدراعظم نرېندرا مودي ګواښ وکړ چې هېواد به‌يې د هغې حملې غچ واخلي چې وسله‎والو په کشمیر کې د هندي ځواکونو پر یوې اډې وکړه.

هند پلان لري چې پر درېیو سیندونو چناب، جهلم او سند د برېښنا یو شمېر بندونه جوړ کړي.

هند پلان لري چې پر درېیو سیندونو چناب، جهلم او سند د برېښنا یو شمېر بندونه جوړ کړي.

د هند او پاکستان ترمنځ د یو شمېر سیندونو د اوبو د وېش په اړه له ۱۹۴۷ میلادي کال راهیسې شخړه دوام لري.

هند وايي، پاکستان د هغو وسله‎والو ملاتړ کوي چې د هند تر ولکې لاندې کشمیر کې پر هندي ځواکونو بریدونه کوي.

د هند د بهرنیو چارو وزیرې سوشما سواراج د دوشنبې په ورځ د ملګرو ملتونو عمومي اسامبلۍ ته د وینا پر مهال وویل، پاکستان باید دا خوب ونه‌ویني چې د ترورېزم له لارې به د هند پر خاوره ځای پیدا کړي.

نوموړې د نوې ډېلي دا دریځ بیا په ډاګه کړ چې وايي کشمیر د هند د خاورې نه‌بېلدونکې برخه ده.

خو پاکستان دا تور ردوي چې ګواکې دا هېواد په کشمیر کې د هند ضد وسله‎والو ملاتړی دی.

د دې هېواد د بهرنیو چارو وزارت ویلي چې په کشمیر کې د وروستي برید په اړه هند داسې شواهد نه‌دي وړاندې کړي چې د نوې ډېلي دا ادعا رېښتیا ثابته کړي.

خو د پاکستان د بهرنیو چارو وزارت تر اوسه د هند له‎خوا په درېیو سیندونو د بندونو د جوړولو د پلان په اړه څه نه‎دي ویلي.

هند او پاکستان په ۱۹۶۰میلادي کال کې د سند دریاب د اوبو تړون لاسلیک کړی دی.

هند دا مهال په کشمیر کې له درېیو سیندونو څخه شاوخوا درې زره مېګا واټه برېښنا تولیدوي.

XS
SM
MD
LG