د لاسرسي لېنکونه

افغان حکومت د هغه کنفرانس کوربه دی چې هدف‌یې د انرژۍ په سکټور کې په افغانستان کې د پانګونو هڅول دي.

د افغانستان د اوبو او انرژۍ وزیر وايي، حکومت د ګاز او اوبو او سولر برېښنا له څو شرکتونو سره د خبرو په حال کې دی، څو د برېښنا په برخه کې یې په افغانستان کې پانګونو ته وهڅوي.

علي احمد عثماني په دوبۍ کې د دې کنفرانس پرونۍ غونډې ته وویل، افغانستان د برېښنا تولید په مقصد د بنسټیزو پروژو د تمویل لپاره نهه میلیارد ډالرو ته اړتیا لري، د مرستندویو هېوادونو او ټولنو له‌خوا د دوه میلیارد ډالرو ژمنې ورسره شوې دي او د پنځو او شپږ میلیارد ډالرو تر منځ د خصوصي شرکتونو پانګونو ته په تمه دی.

عثماني: افغانستان د برېښنا د تولید په مقصد د بنسټیزو پروژو د تمویل لپاره نهه میلیارد ډالرو ته اړتیا لري.

عثماني: افغانستان د برېښنا د تولید په مقصد د بنسټیزو پروژو د تمویل لپاره نهه میلیارد ډالرو ته اړتیا لري.

د اوبو او انرژۍ د وزارت معین امان‌الله غالب چې په دې کنفرانس کې د ګډون لپاره دوبۍ ته تللی وايي، یوه برخه ژمنې د امریکا د نړیوالې پراختیايي ادارې «USAID» په څېر د نړیوالو مرستندویانو له‌خوا شوي دي.

ښاغلي غالب ازادي راډیو ته وویل افغان حکومت د پاتې برخې لپاره د خصوصي سکټور پانګونه غواړي.

دی زیاتوي:

"امریکا، جرمني او ۳۲ نورو مرستندویه هېوادونو او نړیوالو مؤسسو، نړیوال بانک، اسیايي پراختیايي بانک، اسلامي بانک او کې اف ډبلیو بانک لېوالتیا ښودلې او اوس‌مهال کار کوي، د اړتیا وړ مالي وجهې په سلو کې د شل یا دېرشو د چمتو کولو ژمنه شوې او په سلو کې د پاتې څلوېښت یا پنځوس برخې لپاره له خصوصي سکټور څخه غواړو چې راشي."

افغانستان کې تولید شوې انرژي حتی پاکستان او هند ته هم صادرېدلی شي.

افغانستان کې تولید شوې انرژي حتی پاکستان او هند ته هم صادرېدلی شي.

د اوبو اوانرژۍ وزیر علي احمد عثماني همداراز پرون د غونډې په څنډه کې خبریالانو ته وویل چې افغان حکومت د ګاز، د اوبو او لمر د برېښنا په برخو کې د پانګونې لپاره د متحده عربي اماراتو له ځینو شرکتونو سره خبرې کړي.

عثماني زیاته کړه چې په افغانستان کې تولید شوې انرژي حتی د هند او پاکستان په څېر نورو هېوادونو ته هم صادرېدلی شي.

ده یادونه وکړه چې افغانستان نه‌یوازې د ځان بلکې د ګاونډیانو لپاره هم د برېښنا تولید غواړي.

عثماني وویل، که په افغانستان کې د برېښنا د تولید پر تأسیساتو او پروګرامونو پانګونه وشي افغانستان به د خپلې اړتیا وړ انرژۍ پر تولید سربېره نورو هېوادونو ته هم برېښنا صادره کړای شي.

په افغانستان کې د انرژۍ په برخه کې د پانګونې د فرصتونو په اړه کنفرانس چې د افغانستان د اوبو او انرژۍ وزارت، د امریکا نړیوالې پراختیايي ادارې «USAID» او په کابل کې د متحده ایالاتو د سفارت په مرسته جوړ شوی دی، نن دوشنبې پای ته رسېږي.

XS
SM
MD
LG