د لاسرسي لېنکونه

راپورونه وايي، د روسيې د پارلماني انتخاباتو نیمايي رأیې شمېرل شوي او رسمي پایلې ښيي چې واکمن "متحده روسي ګوند" اکثریت څوکۍ ګټلي دي.

"متحده روسي ګوند" د پارلمان د استازو د جرګې له څلور سوه پنځوس څوکیو څخه درې سوه ترلاسه کړي دي.

د روسیې صدراعظم دیمیتري مېدوېدېف د رأی ورکولو د مرکزونو له بندېدو وروسته د متحدې روسیې ګوند د پلویانو غونډې ته په وینا کې د خپل ګوند د بريا خبر ورکړ.

مېدوېدېف وايي:

​"غواړم د خپل هېواد له ټولو وګړو مننه وکړم چې د رأیو ورکولو مرکزونو ته ولاړل او په مدني حرکت سره‌یې رأیې ورکړې، دوی په زیات شمېر د متحدې روسیې ګوند ته رأیې ورکړې او حتی دا جرئت لرو چې ووایو زموږ ګوند ګټلې ده.​"

د رأیو نتایج چې پرون ناوخته د ټولپوښتنې د دولتي ادارې له‌خوا خپاره شول ښيي چې درېیو نورو لویو ګوندونو د روسیې په ولسي جرګه یا دوما کې خپلې څوکۍ ساتلې دي.

د روسیې لېبرال ډیموکراټ ګوند دوهم او کمونېست ګوند په درېیم مقام کې راغلي دي.

د روسیې د انتخاباتو د مرکزي کمېسیون د راپور له مخې په پرونیو انتخاباتو کې د رأی ورکولو د شرایطو لرونکو په سلو کې نه دېرش کسانو ګډون کړی و، په داسې حال کې چې په ۲۰۱۱ کال کې دا رقم پنځوس په سلو کې و.

XS
SM
MD
LG