د افغانستان د بایسکل چلونې فدراسیون وايي، ټاکل شوې کابل کې د ځوانانو ترمنځ د غرونو د بایسکل چلونې سیالۍ ډېر ژر پیل شي.
د دغه فدراسیون مشرعبدالصادق صادقي ازادي راډیو ته وویل چې دغه سیالۍ د لومړي ځل لپاره د ۱۰۰ لوبغاړو په ګډون سره په کابل ترسره کېږي.
ښاغلي صادقي د دغو سیالیو هدف داسې بیان کړ:
"د لومړي ځل لپاره د غرونو د بایسکل چلونې سیالۍ د بایسکل چلونې د فدراسیون لهخوا جوړېږي او دا سیالۍ د ځوانانو ترمنځ یو سالم رقابت دی."
د ښاغلي صادقي د معلوماتو له مخې دغه سیالۍ راتلونکې اوونۍ د یوې ورځې لپاره د کابل په قروغ غر کې ترسره کېږي.