د افغانستان د فوټبال د غورهلیګ سیالیو په لړ کې نن د سیمرغ البرز او د عقابان هندوکش ټیمونه د یو بل پر وړاندې لوبه کوي.
د افغانستان د فوټبال فدراسیون تخنیکي ډایرکټر طاهر رؤفي ازادي راډیو ته وویل چې دغه لوبه نن مازدیګر پیلیږي او ټيمونه ورته بشپړ چمتوالی لري.
دا په داسې حال کې ده چې د تېرې ورځ په لوبه کې د شاهین آسمايي د فوټبال ټيم یو د صفر پر وړاندې د میوند اتلانو ټیم ته ماتې ورکړه او نیمه پایلوبې ته یې لار پیدا کړه .