د لاسرسي لېنکونه

logo-print

نېشنل انټرسټ:

نېشنل انټرسټ خپرونه په افغانستان کې د روانو جګړو په اړه په یوه مطلب کې لیکي:

افغانستان د جګړو له یوه بل خونړي فصل سره مخامخ دی. د کندز او لښکرګاه په ګډون د دې هېواد د ډېرو ښاري سیمو مرکزونه د طالبانو د لاس ته پریوتلو له ګواښ سره مخامخ دي.

خو د خپرونې په وینا امریکایي او د ناټو ځواکونه پردې خبرې ټینګار کوي چې د افغانستان حکومت تر اوسه توانېدلي چې ګڼ میشتې ښاري سیمې تر خپلې ولکې لاندې وساتي او طالبان د یوې لویې ساحې په نیولو او ساتلو نه‎دي بریالي شوي.

نېشنل انټرسټ خپرونې په افغانستان کې د ناټو په مشرۍ د غوڅ ملاتړد ماموریت د ویاند جنرال چارلس کلېفلېنډ وروستیو څرګندونو ته اشاره کړې چې ویلي یې دي، موږ لیدلي چې طالبان د یوې مشخصې ساحې په نیولو کې پاتې راغلي.

تر هرڅه مهمه دا ده چې دوی نه‎دي توانېدلي چې یوه ښاري سیمه ونیسي او هغه د اوږدې مودې لپاره وساتي.

د هغه په وینا د جګړو د روان فصل لپاره د افغانستان د حکومت ستراتېژي پر همدې څرخېده چې د مهمو ګڼ مېشتو سیمو او مهمو تاسیساتو امنیت خوندي کړي.

خو د خپرونې په لیکنه د هرکال په تېرېدو سره سیمې یوپه بل پسې د افغان امنیتي ځواکونو له لاسه وځي او طالبان پرې واکمن کېږي.

نېشنل انټرسټ وړاندې لیکي:

په داسې حال کې چې د افغانستان حکومت پر لېرې پرتو سیمو خپل کنټرول له لاسه ورکوي، امریکایي او د ناټو ځواکونه په لویدیځو هېوادونو کې خپلو خلکو ته داسې ښیي چې دغه پوځي ماموریت بریالی دی او یوه نښه یې هم دا ده چې د افغانستان حکومت تر اوسه پر لویو ښارونو، لښکرګاه، کندز، جلال اباد، کندهار، هرات او مزارشریف کنټرول لري.

فارن پالیسي:

فارن پالیسي خپرونې هم په افغانستان کې روانې جګړې ته پام اړولی او په یوه مطلب کې لیکي:

د امریکا د متحدو ایالتونو راتلونکی ولسمشر باید له افغانستانه د امریکایي ځواکونو وتل ودروي او په دې هېواد کې د امریکایي ځواکونو د وړتیاوو پر زیاتوالي غور وکړي او که اړتیا وي نور سرتېري دې هېواد ته واستوي.

دا خبره د څلورو ستورو لرونکي متقاعد جنرال جان الن چې د ولسمشرۍ لپاره کاندیدې هیلري کلېنټن سره نېږدې اړیکې لري، کړې ده.

فارن پالیسي لیکي:

جان الن چې له ۲۰۱۱ نه تر۲۰۱۳ میلادي کال پورې یې په افغانستان کې د نړیوالو مرستندویه ځواکونو د قومندان په توګه دنده ترسره کړې، په جولای میاشت کې د ډموکراټ ګوند په کنګره کې په خپلې وینا سره له کلېنټن خپل ملاتړ څرګند کړ.

د خپرونې په لیکنه هغه په افغانستان کې د امریکا د پوځي حضور د پیاوړي کېدو سپارښتنه په داسې حال کې کوي چې راتلونکې میاشت د افغانستان د جګړې د پیل ۱۵ کاله پوره کېږي.

د هغې جګړې چې د امریکا په تاریخ کې تر ټولو اوږده جګړه ده او نظر شمېرنې ښیي چې اکثره امریکایان په دې باور دی چې دغه جګړه په جنګېدو نه ارزي.

XS
SM
MD
LG