د لاسرسي لېنکونه

د پکتیا چارواکي وايي، د جاني‌خېلو ولسوالۍ څخه بې‌ځایه شویو کورنیو ته‌یې د مرستو رسولو بهیر پیل کړی دی.

د پکتیا د والي ویاند نقیب احمد اتل تېره شپه ازادي راډیو ته وویل، دولتي هئیت په څمکنیو ولسوالۍ کې دی، څو د بې‌ځایه شویو کورنیو دقیق شمېر معلوم کړي.

اتل زیاته کړه چې یوه اندازه خوارکي مواد دې بې‌ځایه شویو کورنیو ته استول شوي او ډېر ژر به پرې ووېشل شي.

د نوموړي په وینا په دې خوراکي موادو کې وریژې، لوبیا، اوړه او غوړي شامل دي.

د پکتیا د والي ویاند وویل چې د جاني‌خېلو ولسوالۍ د بېرته نیولو لپاره پوځي عملیات دوام لري.

د پکتیا دا ستراتیژیکه ولسوالۍ چې له خوست ولایت سره هم تړلې، یوه اوونۍ مخکې وسله‌والو طالبانو ونیوله.

XS
SM
MD
LG