د لاسرسي لېنکونه

د افغانستان د کډوالو چارو وزارت د جګړو له امله د کورنیو بېځایه شویو کډوالو د شمېر د زیاتوالي په اړه اندېښنه څرګنده وي.

د دغه وزارت مطبوعاتي سلاکار حفیظ احمد میاخېل نن ازادي راډیوته وویل که دې ستونزې ته د نړیوالو له خوا رسیده ګي و نه شي، نو ناوړه عواقب به ولري:

"له سوریې وروسته افغانستان د کورنیو بېځایه شویو د شمېر له اړخه دویم ځای لري چې دا حالت واقعاً د اندېښنې وړ دی، که چېرې دا حالت همداسې دوام وکړي، نو دا به ډېرې ناوړه پایلې ولري."

ښاغلي میاخېل زیاته کړه روان کال د جګړو له امله په ټول افغانستان کې ۱۷۰ زره کسانو بې ځایه شوي دي.

د کډوالو چارو وزارت د معلوماتو په اساس دا مهال په ټول افغانستان کې څه باندې یو میلیون کورني بېځایه شوي کسان په ناوړه شرایطو کې ژوند کوي.

XS
SM
MD
LG