د لاسرسي لېنکونه

په تاجکستان کې د اپوزېسیون د یوې ممنوع اعلان شوې ډلې مشر قربان منانوف چې د اسلامي دولت په نوم د وسله‌والې ډلې د ملاتړ په تور بندي شوی و، په زندان کې مړ شوی دی.

قربان منانوف ۷۳ کلن او په تاجکستان کې د "اسلامي رنسانس" ګوند مشر و .

د ازادې اروپا راډیو تاجکي برخه په تاجکستان د یوې ویب‌پاڼې "ازاده ګان"په حواله وايي چې منانوف تېره شپه په دوشنبې ښار کې یوه توقیف ځای کې ساه ورکړې ده.

د منانوف د کورنۍ یو شمېر غړو " ازاده ګان" ویب‌پاڼې ته د هغه د مړینې خبر تائید کړی خو د تاجکستان رسمي سرچینو تر اوسه په دې اړه څه نه‌دي ویلي.

قربان منانوف پر ځان لګېدلي تورونه رد کړي او سیاسي بللي وو.

د هغه د ګوند پر یو شمېر نورو نیول شویو غړو له ۱۰ تر ۲۵ کلونو زندان حکم شوی دی.

XS
SM
MD
LG