د لاسرسي لېنکونه

logo-print

د افغانستان دفاع وزارت وایي چې د پکتیا ولایت د جاني‎خېلو ولسوالۍ مواصلاتي لاره د موټرو پرمخ پرانیستل شوه او اوس په دغې ولسوالۍ کې امن دی.

د نوموړي وزارت په خبرپاڼه کې راغلي چې د افغاستان د وسله‎والو قوتونو لوی درستیز قدم‌شاه شهیم د څمکنیو او جاني‎خېلو ولسوالۍ قومي مشرانو ته ډاډ ورکړی چې په ولسوالیو کې چاڼیز عملیات د ولسوالیو د امنیت په خاطر ترسره کېږي.

په خبرپاڼه کې راغلي چې د جاني‎خېلو ولسوالۍ ناروغان او ټپیان د هليکوپټرو په وسیله مرکز ته انتقال شول.

دغه اقدام په داسې وخت کې کېږي چې تېره ورځ د بغلان ولایت یو شمېر اوسېدنکو په جاني‎خېلو ولسوالۍ کې د ملي اردو د ټپیانو او وژل شویو د انتقال پروسې ته د نه‌پاملرنې په غبرګون کې د سالنګ لویه لاره ټړلې وه.

XS
SM
MD
LG