د لاسرسي لېنکونه

په کوټه ښار کې د یوه روغتون په دروازه کې په ځانمرګي بريد کې لږ تر لږه ۵۳ کسان وژل شوي دي.

پوليس وايي په دې بمي چاودنه کې ګڼ شمېر نور کسان ټپيان شوي دي.

حمله وروسته له هغه وشوه چې د یوه مخکښ مدافع وکيل بلال کاسي مړی دغه روغتون ته يووړل شو.

دغه مدافع وکيل په ډزو وژل شوی وو.

د بلوچستان ايالت د کورنيو چارو وزير سرفراز بګټي دا حمله غندلې او یو تروريستي عمل يې بللی دی.

د روغتون د حملې مسئوليت چا تر اوسه نه دی منلی.

د د بلوچستان ولايتي حکومت یوه وياند ويلي چې د پېښې په اړه پلټنې روانې دي.

دا هم څرګنده نه ده چې د حقوق پوه بلال کاسي د مړيني تر شا د چا لاس وو.

پوليسو ويلي ډېری وژل شوي نور مدافع وکيلان وو چې د بلال کاسي د مړي د راوړل کېدو وروسته روغتون ته ورغلي وو.

XS
SM
MD
LG