د لاسرسي لېنکونه

د مقدونيا په پلازمېنه سکوپيه کې د تېرې شپې له توپان وروسته د ولاړ شوي سېلاب له کبله ١٥ کسان مړه شوي او د نورو کسانو د موندنې او ژغورنې لپاره پلټنه روانه ده.

د مقدونيا دولتي اژانس ميا په حواله، پوليسو نن د ١٥ کسانو د مړينې خبر ورکړ او ويل شوي چې ٦ کسان لا هم ورک دي.

د سکوپيه ښاروال وويل چې دا يوه داسې غميزه وه چې تر اوسه مو نه وه تجربه کړې.

ځايي رسنيو راپور ورکړى چې پلازمېنه سکوپيه او شا و خوا سيمې يې د هغه شديد باد له کبله زيانمنې شوي چې سرعت يې په يوه ساعت کې څه باندې ٧٠ کيلومتره و.

دغه توپان د ښار حلقوي سړک هم زيانمن کړى دى.

XS
SM
MD
LG