د لاسرسي لېنکونه

د المپیک لوبې د افغانستان په وخت نن شپه د برازیل په ریو دې جنیرو Rio de Janeiro ښار کې پیلیږي.

د دې لوبو د پرانېستو مراسم د ماسپښین په یوه بجه چې د کابل په وخت د شپې اته بجې او دیرش دقیقې کیږي، پیلیږي.

په دې لوبو کې به د نړۍ د ۲۰۵ هېوادونو ورزشکاران په ۴۲ بېلابېلو ورزشي څانګو کې ۳۰۶ سیالي وکړي.

د افغان ورزشکارانو پلاوی به چې د افغانستان د المپیک د لومړني مډال راوړونکی روح الله نیکپا په کې دی، هم د ریو په المپیک کې ګډون وکړي.

دا لوبې به د روانې اګست میاشتې تر ۲۱ مې نېټې پورې دوام کوي.

XS
SM
MD
LG