د لاسرسي لېنکونه

راپورونه وايي چې د دوبۍ په نړیوال هوايي ډګر کې د اماراتو د هوايي شرکت یوه الوتکه د ناستې پر مهال له حادثې سره مخ شوې، لوګي ترې پورته شوي او د منځني ختیځ په دې بوخت هوايي ډګر کې یې د الوتکو ناستې او الوتنې ځنډولي دي.

د دې هوايي شرکت رئیس ویلي، د لګیدلي اور د وژلو پر مهال د اور وژنې د ادارې یو کارکوونکی وژل شوی دی.

د اماراتو هوايي شرکت وايي چې د الوتکې ټولې سپرلۍ او عمله خوندي دي.

له پېښې سره د دې شرکت "EK521 " الوتکه مخ شوه چې د هندوستان له یو ښاره دوبۍ ته رسیدلې وه او درې سوه کسان په کې سپاره وو.

د پېښې علت دم ګړۍ نه دی تایید شوی.

د دوبۍ حکومت ویلي چې د دوبۍ په نړیوال هوايي ډګر د الوتکو ناستې او له دې هوايي ډګر الوتنې ځنډیدلي دي.

XS
SM
MD
LG