د لاسرسي لېنکونه

د ترکيې د بهرنیو وزارت په انقره کې د جرمني شارژ دافير د هغې پرېکړې په اعتراض کې احضار کړی چې له مخې يې ترکي ولسمشر رجب طيب اردوغان ته د جرمني په کولون ښار کې د ويډيو له لارې د وينا اجازه ورنه کړل شوه.

پرون د جرمني په کولون ښار کې زرګونو کسانو د جولای د پنځلسمې د ناکامې کودتا پر ضد لاريون وکړ او له اردوغان سره يې ملاتړ څرګند کړ.

ځايي پوليسو په لومړي سر کې د لاريون تنظيموونکو ته د لوی تلويزيوني پردې ايښودلو اجازه ورنه کړه.

وروسته ځايي محکمې پرېکړه وکړه چې د لاریون پر مهال د لويې پردې تلويزيون کارېدلای شي خو يوازي په لاريون کې په فزيکي توګه د حاضرو کسانو د وينا لپاره.

دا پرېکړه د جرمني د سترې محکمې له خوا تاييد شوه.

د ترکيې د صدراعظم مرستيال نعمان کورتولموس نن ويلي چې دا عمل د بيان د آزادۍ پر خلاف دی او پر جرمني يې د دوه مخيتوب تور پوري کړی دی.

په جرمني کې شا او خوا درې مليونه ترک نژاده کسان اوسي.

XS
SM
MD
LG